- वि.सं २o७८ फाल्गुण ८ आइतबार
नेपाल मजदुर किसान पार्टीका सांसद प्रेम सुवालले अध्ययन नै नगरी एमसिसी सम्झौता गरिएको भन्दै सम्झौता नेपालको हितमा नरहेको बताएका छन्। प्रतिनिधिसभाको आइतबारको बैठकमा सांसद सुवालले यस्तो बताएका हुन्।
नेपाल अमेरिकी धम्कीमा नचल्ने बताउँदै उनले नेपालका प्रधानमन्त्रीलाई किन धम्की दिएको भनी संसद्ले अमेरिकी मन्त्रीलाई प्रश्न गर्नुपर्ने बताए। सम्झौतामा नेपाली नागरिक मरे पनि उजुरी नलाग्ने विषय समावेश गरिएको दाबी गर्दै उनले एमसिसीलाई फासीवाद र तानाशाहको संज्ञा दिए।
‘देशहितमा नरहेको सम्झौतामा सही गर्ने मन्त्रीलाई पनि हामीले स्पष्टीकरण सोध्नुपर्छ। अध्ययन नगरी किन सम्झौता गरियो ?’ सुवालले भने, ‘एमसिसीका कारण नेपाली जनता मरे पनि उजुरी नलाग्ने विषय समावेश गरियो। यो अर्को फासीवाद र तानाशाह होइन ? एमसिसिसीको बुँदा संविधानभन्दा माथि कसरी भयो ?’
