जिल्ला प्रहरी कार्यालय काभ्रेले साढे सात किलो गाँजासहित एकजनालाई पक्राउ गरेको छ। माघ ८ गते बनेपा नगरपालिका–१२ बाँसडोलका २५ वर्षीय सञ्जय तामाङ पक्राउ परेका कार्यालयका सूचना अधिकारी हरि खतिवडाले जानकारी दिए।

तामाङको घरमा खानतलासी गर्दा कोठाभित्र खाटमुनि लुकाई राखेको अवस्थामा सात किलो ७९५ ग्राम गाँजा बरामद भएको हो। इलाका प्रहरी कार्यालय बनेपाको विशेष टोलीले केही दिनदेखिको निरन्तर अनुसन्धानपश्चात् तामाङलाई पक्राउ गरेको खतिवडाको भनाइ छ।

तामाङलाई लागुऔषध मुद्दामा जिल्ला अदालत काभ्रेबाट म्याद थप अनुमति लिई आवश्यक अनुसन्धान अघि बढाइएको प्रहरीले जनाएको छ।