अत्यधिक चिसो बढेपछि खजुरा गाउँपालिकामा रहेका विद्यालय तीन दिनका लागि बन्द गरिएकाे छ । शीतलहरसँगै चिसो बढेपछि बुधबारदेखि शुक्रबारसम्मका लागि विद्यालय बन्द गरिएको शिक्षा शाखा प्रमुख खगेन्द्र मल्लले जानकारी दिए ।
शीतलहरका कारण बालबालिकालाई विद्यालय आउजाउ गर्न र अध्ययन, अध्यापनमा असहज भएकाले छोटो समयका लागि विद्यालय बन्द गरिएको उनले बताए । उनले शीतलहर र चिसोको अवस्था हेरेर विद्यालय खोल्ने वा नखोल्ने निर्णय लिइने बताए ।
शैक्षिक संस्था बन्द गरिए पनि प्रशासनिक काम भने सुचारु रहने उनले जानकारी दिए । ‘विद्यार्थीको स्वास्थ्य र सुरक्षालाई मध्यनजर गरी विद्यालय बन्द गरिएको छ, तर प्रशासनिक काम यथावत् रहनेछ,’ शिक्षा शाखाले जारी गरेको सूचनामा उल्लेख छ ।