![](https://nayapatrika.blr1.cdn.digitaloceanspaces.com/news/images/lamjung-pahiro-update2024-06-26-01-47-21.jpeg)
लमजुङको क्व्होंलासोथार गाउँपालिका– ३ बगुम गाउँमा निरन्तरको वर्षासँगै आएको पहिरोले घर बगाउँदा पुरिएका चारैजनाको मृत्यु भएको छ । पहिरोले तीनवटा घर पुरिँदा उनीहरू बेपत्ता भएका थिए ।
पहिरोमा पुरिएर ६७ वर्षीय रुद्रमान गुरुङ, उनकी बुहारी ३६ वर्षीया पञ्चकुमारी गुरुङ, नातिनी चार वर्षीया नम्रता गुरुङ र आठ वर्षीया इच्छा गुरुङको शव भेटिएको जिल्ला प्रहरी कार्यालय लमजुङका प्रहरी निरीक्षक थानेश्वर चापाईंले बताए ।
प्रहरी र स्थानीयले भग्नावशेषबाट उनीहरूको शव निकालेका हुन् । वडासदस्य विनप्रसाद घलेका अनुसार गएराति १२–१ बजेतिर गएको पहिरोले तीनवटा घर बगाउँदा एकै परिवारका चारजना बेपत्ता भएका थिए ।