- वि.सं २o८१ असार १५ शनिबार
गुल्मीको मालिका गाउँपालिका-६ अर्जेमा पहिरोले घर पुरिँदा एक जनाको ज्यान गएको छ । परिवारका चार जना बेपत्ता भएका छन् । शुक्रबार रातिको अविरल बर्षाको कारण आएको पहिरोका कारण अर्जे ठाँटीपोखरीका यम बहादुर विक भन्ने भेष बहादुर कामीको घर पुरिएको छ ।
पहिराेमा पुरिएका भेष बहादुकाे शव अहिले निकालिएको प्रमुख जिल्ला अधिकारी कृष्ण प्रसाद शर्माले जानकारी दिए । बेपत्ता अरु सदस्यहरुको खोजि भइरहेको शर्माले बताए ।
घटनास्थलमा नेपाल प्रहरी पुगिसकेकाे छ । नेपाली सेना र सशस्त्र प्रहरी जाँदै छ । स्थानीय बुद्धिप्रकाश भण्डारीका अनुसार घर माथिबाट आएको पहिरोले भेष बहादुर कामीसहित श्रीमती, बुहारी र दुई नातिनी पुरिएर बेपत्ता भएका छन् । अहिले स्थानीय र सुरक्षाकर्मीको टोलीले बेपत्ताहरुको खोजीकार्य गरिरहेको छ ।
2024-05-28-12-13-37.jpeg)
2024-05-28-12-13-37.jpeg)
