- वि.सं २o७८ बैशाख ८ बुधबार
दुईपांग्रे र तीनपांग्रे सवारीसाधन निर्माता टिभिएस मोटर कम्पनीले नेपालमा आयोजना हुने पब्जी मोबाइल च्याम्पियनसिप २०२१ को प्रायोजना गर्ने भएको छ । टिभिएस मोटर कम्पनीको टिभिएस एनटर्क १२५ को ट्यागलाइन ‘प्ले स्मार्ट’ भन्ने नारासहित टिभिएसले प्रतियोगिताको प्रायोजन गर्न लागेको हो ।
पब्जी नेपालको जेन जेडमध्येको एक लोकप्रिय खेल भएको भन्दै कम्पनीले यो च्याम्पियनसिप गेमिङ क्षेत्रले सबैभन्दा राम्रो प्रतिभा भएको खेलाडीलाई प्रस्तुत गर्ने जनाएको छ । प्रतियोगिताका तीन भाग्यशाली विजेताले टिभिएस एनटर्क १२५ सुपर स्क्वाड एडिसन स्कुटर जित्ने मौका पाउने जनाइएको छ ।
टिभिएसको नेपालका लागि आधिकारिक विक्रेता जगदम्बा मोटर्सका उपाध्यक्ष दीपक अग्रवालले नेपालका युवालाई सधैँ प्रेरित गर्ने र विभिन्न प्लेटफर्महरूलाई प्रोत्साहन गर्नेमा केन्द्रित रहेको बताए । उनले भने, ‘हामीले नियमित अन्तरालमा यस्ता संस्थाहरूलाई समर्थन दिँदै आइरहेका छौँ र त्यस्ता राम्रा पक्षहरू निर्माण गर्न जारी राख्नेछौँ, जसले देशमा टिभिएस मोटर कम्पनी उत्पादनहरूको आकांक्षा जगाउँछ ।’
पब्जी मोबाइल च्याम्पियनसिप २०२१ ले ६ सयभन्दा बढी टिम, २५ स्ट्रिमिङ च्यानल र १६ स्ट्रिमरको सहभागिताको अपेक्षा गरेको जनाइएको छ । ४५ दिन चल्ने प्रतियोगितामा ४के गेमिङ नेपाल, एसके४९, मि–ह्योजुजस्ता एनटिटी समावेश रहेको कम्पनीले जनाएको छ ।
