- वि.सं २o७७ चैत ८ आइतबार
अख्तियार दुरुपयोग अनुसन्धान आयोगले छुट्टाछुट्टै घटनामा घुससहित पक्राउ परेका तीनजनाविरुद्ध विशेष अदालतमा मुद्दा दायर गरेको छ।
५० हजार घुससहित पक्राउ परेका सशस्त्र प्रहरी बल बेस क्याम्प, गैडहवाका सशस्त्र प्रहरी निरीक्षक दधिराम पौडेल र सशस्त्र प्रहरी नायव निरीक्षक राजेश पासीविरुद्ध अख्तियारले आइतबार मुद्दा चलाएको हो ।
फर्निचर उद्योग सञ्चालनमा सहजीकरण गरिदिने भन्दै उनीहरूले सेवाग्राहीबाट घुस लिएका थिए।
यसैगरी, दुई लाख रुपैयाँ घुस लिएको आरोपमा पक्राउ परेका औषधि व्यवस्था विभाग, विराटनगर कार्यालयका फार्मेसी अधिकृत सरोज सुवेदीविरुद्ध पनि मुद्दा दायर गरिएको छ। उनले सिल भएको फार्मेसी पसल खोलिदिने भन्दै घुस लिएको अख्तियारको दाबी छ।
