- वि.सं २o७७ पौष २५ शनिबार
जनता समाजवादी पार्टी (जसपा)का केन्द्रीय अध्यक्ष महन्थ ठाकुरले प्रधानमन्त्री केपी शर्मा ओलीले जनताको विश्वासमाथि कुठाराघात गरेको बताएका छन् । जसपाले भैरहवामा शनिबार आयोजना गरेको विरोधसभामा ठाकुरले जनताले पाँच वर्षका लागि बनाएको प्रतिनिधिसभा विघटन गरेर ओलीले जनभावनामाथि कुठाराघात गरेको बताएका हुन् ।
ठाकुरले कोरोना महामारीका कारण देश थलिएको अवस्थामा जनताको सेवा गर्न छोडेर प्रधानमन्त्रीले देशलाई संकटग्रस्त अवस्थामा पु¥याएको दाबी गरे । ओलीको कदमका कारण संघीय सरकारदेखि प्रदेश सरकारसम्म संकट सिर्जना भएको उनले बताए ।
पार्टीभित्रको आन्तरिक विवादलाई लिएर प्रधानमन्त्रीले प्रतिनिधिसभा विघटन गर्नु अलोकतान्त्रिक भएको बताए ।
विरोधसभामा जसपा केन्द्रीय कार्यकारिणी सदस्य महेन्द्र राय यादवले कांग्रेस र कम्युनिस्टलाई साथमा लिएर प्रतिनिधिसभा पुनस्र्थापना गराउने दाबी गरे । सबै जनतालाई प्रतिनिधिसभा विघटनको विरुद्ध एक भएर संघर्षमा उत्रन उनले आह्वानसमेत गरे ।
