Skip This
पाँच लाख रुपैयाँ दिएर बलात्कार कसुर मिलापत्र गराएको आरोपमा मोरङ प्रहरीले ६ जनालाई पक्राउ गरेको छ ।
२४ भदौ ०७७ मा मोरङको धनपालथान गाउँपालिका– ५ मा धानखेतमा मल छर्ने क्रममा बेलवारी नगरपालिका– ८ का ३२ वर्षीय सुरेशकुमार खवासले २१ वर्षीया युवतीलाई बलात्कार गरेका थिए । उक्त घटनालाई पाँच लाख दिएर मिलापत्र गराएको आरोपमा प्रहरीले उनीलाई पक्राउ गरेको हो ।
जघन्य फौजदारी अपराध मिलाप गराएको आरोपमा पक्राउ पर्नेहरूमा मोरङको धनपालथान गाउँपालिका– ५ का धनेशु खवास, सुधारसिंह खवास, मागन खवास र कलकनु खवास छन् । यस्तै रंगेली नगरपालिका–१ का ६७ जगत नारायण खवास तथा बेलबारी नगरपालिका– ८ का मथालु खवास रहेको प्रहरीले जनाएको छ ।
प्रहरीले उनीहरूको साथबाट बलात्कारको घटना पाँच लाख रुपैयाँमा मिलापत्र गराएको कागज पनि बरामद भएको छ । बलात्कार कसुर मिलापत्र गराउने सबैलाई मतियारको रूपमा कानुनअनुसार कारबाहीको प्रक्रिया अघि बढाउने मोरङ प्रहरी प्रपक्ता डिएसपी मानबहादुर राईले बताए ।
पीडित युवतीले पाँच लाख रुपैयाँ दिएर दबाबमा मिलापत्र गराएको भन्दै २५ असोजमा इलाका प्रहरी रंगेलीमा किटानी जाहेरी दिएकी थिइन् ।
बलात्कारपछि फरार भएका सुरेशलाई प्रहरीले रंगेली बजारबाट १९ मंसिरमा फक्राउ गरेर जबर्जस्ती करणी आरोपमा अदालतमा मुद्दा दर्ता गराएको थियो ।
