समाजवादी पार्टीकाे संसदीय दलले संविधान संशोधनको पक्षमा मतदान गर्न ह्विप जारी गरेको छ ।
समाजवादी पार्टीको शनिबार बसेको संसदीय दलको बैठकमा नेपालको नयाँ नक्साको पक्षमा उभिने निर्णय गरेको सो पार्टीका सांसद प्रदीप यादवले बताए ।
उनका अनुसार बैठकले सरिता गिरीलाई आफ्नो प्रस्ताव फिर्ता लिन पनि निर्देशन दिएको छ । गिरीले नयाँ नक्साका लागि दर्ता भएको संविधान संशोधनमाथि संशोधन प्रस्ताव राखेकी थिइन् ।
यसैगरी राजपा संसदीय दलकाे बैठकले पनि संविधान संशाेधनकाे पक्षमा मतदान गर्ने निर्णय गरेकाे साे पार्टीका सांसद लक्ष्मणलाल कर्णले जानकारी दिए ।
यी दुवै पार्टी एकीकरण भएर जनता समाजवादी गठन भए पनि संसदमा अलग अस्तित्वमा नै छन् ।
सरकारले नेपालकाे नयाँ नक्सा जारी गरेपछि साेहीअनुसार संविधानमा मिलान गर्न संविधान संशाेधनकाे प्रस्ताव संसदमा दर्ता गराएकाे छ । उक्त प्रस्तावमा शनिबार मतदान हुँदै छ ।