सत्तारुढ दल नेपाल कम्युनिस्ट पार्टीका नेता एवं पूर्वगृहमन्त्री जनार्दन शर्माले रुकुमको चौरजहारी नगरपालिकामा भएको घटनाबारे बोल्दा मंगलबार संसदमा प्रतिपक्षी दल नेपाली कांग्रेसका सांसदले नियमापत्ति गर्दै अवरोध गरेका छन् ।
शर्माले आफ्नो भनाइ राख्ने क्रममा घटना मिलाउन राजनीतिक हस्तक्षेप नभएको बताएलगत्तै कांग्रेसका सांसदले चर्काे विरोध गरेका थिए ।
शर्माले सोही क्षेत्रको भएकाले भनाइ राख्न पाउनुपर्ने माग गरे पनि विरोध रोकिएन ।
कांग्रेसका सांसदहरूले लगातार विरोध गरेपछि सभामुख अग्निप्रसाद सापकोटाले शर्मालाई भनाइ टुंग्याउन आग्रह गरेका थिए ।
दबाबका कारण शर्माले भनाइ टुंग्याएपछि कांग्रेस सांसद प्रकाश रसाइलीले गृहमन्त्रीबाट जानकारी लिन खोजेको बताए ।
उनले नाम नखुलाई दुई पूर्वगृहमन्त्रीले दबाबमा घटना मिलाउन खोजेको आरोप पनि लगाए ।