- वि.सं २o८१ चैत १७ आइतबार
सिद्धार्थ बैंक लिमिटेडले विद्यार्थीलाई वित्तीय शिक्षा प्रदान गरेको छ । बैंकले ग्लोबल मनी विक २०२५ को अवसर पारेर वित्तीय साक्षरता कार्यक्रम सञ्चालन गरेको हो ।
विद्यार्थीलाई वित्तीय शिक्षा प्रदान गरी आर्थिक रूपमा सचेत र सशक्त बनाउने उद्देश्यले २०२५ मार्च १७ देखि २३ गतेसम्म सप्ताहव्यापी रूपमा मनाइएको ‘ग्लोबल मनी विक २०२५’को अवसर पारेर साक्षरताका विभिन्न कार्यक्रम गरिएको बैंकले जनाएको छ । बैंकले कुल ३८ कार्यक्रममार्फत एक हजार ६ सय ६० विद्यार्थीलाई वित्तीय शिक्षा प्रदान गरेको थियो ।
बैंकले देशका सातै प्रदेशमा विद्यालय एवं क्याम्पस गरी २४ स्थानमा वित्तीय साक्षरता कार्यक्रम सञ्चालन गरेको हो । उक्त अवसरमा बैंकले प्रदान गर्ने सेवा, डिजिटल कारोबार र यसमा अपनाउनुपर्ने सावधानीका विषयमा सचेत गराइएको थियो । सो कार्यक्रममा एक हजार दुई सय १२ जना विद्यार्थीको सहभागिता रहेको थियो ।
