चैत १६ देखि २२ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको चैत १६ गते शनिबारदेखि २२ गते शुक्रबारसम्मको साप्ताहिक राशिफल पढ्नुहोस् 

मेष (चु, चे, चो, ला, लि, लु, ले, लो, अ) : काम गरेर अरूलाई प्रभावित पार्ने समय छ । नयाँ काम थालनी होला । प्रतिष्ठित काम गर्ने मौका मिल्नेछ । विद्यामा पनि प्रगति हुनेछ, कुनै नयाँ उद्योगधन्दा वा व्यवसायको थालनी गरेमा व्यावहारिक रूपमा फाइदा पुग्नेछ । उपलब्धिमूलक यात्रा हुने योग छ । मनपर्ने व्यक्तित्वसँग सहकार्यको वातावरण बन्नेछ । वैदेशिक यात्रामा सफलता मिल्नेछ ।

वृष (इ, उ, ए, ओ, बा, बि, बु, बे, बो) : राजनीति तथा नोकरीमा सोचेअनुसार लाभ मिल्नेछ । विशिष्ट व्यक्तित्वसँग भेटघाट हुनेछ । पारिवारिक जमघटमा मन रमाउनेछ । व्यावसायिक काममा सामान्य फाइदा उठाउन सकिनेछ । नयाँ पारिवारिक सम्बन्ध अगाडि बढ्नेछ । खेलकुदका क्षेत्रबाट सोचेअनुसार सफलता मिल्नेछ । बिहीबार एवं शुक्रबार भने इष्टदेवको पूजा–उपासना गरी अगाडि बड्दा फइदा हुने देखिन्छ ।

मिथुन (का, कि, कु, घ, ङ, छ, के, को, ह) : चोटपटक लाग्ने सम्भावना छ । कामको दायित्व बढ्नेछ । शत्रुहरूको चलखेल बढ्नाले केही अप्ठ्यारोमा परिने सम्भावना देखिन्छ । व्यापार तथा उद्योगतर्फ फाइदाको योग बनेको छ । आम्दानी बढ्ने र फाइदा उठाउने समय छ । परिवारजन तथा आफन्तको सहयोग मिल्नेछ । कर्म गरेबापत राम्रै सफलता मिल्नुका साथै सहयोगीहरूको साथ पूर्ण रूपमा मिल्नेछ । 

कर्कट (हि, हु, हे, हो, डा, डि, डु, डे, डो) : सामाजिक कार्यमा जुट्नुपर्ने योग छ । आम्दानीमा कमी आउनेछैन । पारिवारिक जीवन सामान्य र सन्तोषप्रद रहनेछ । अभिभावकवर्ग, गुरुजन र ठुलाबडाको आशीर्वाद प्राप्त भएमा कार्य सम्पन्न हुनेछ । धार्मिक कार्यमा सरिक हुने अवसर मिल्नेछ । घरमा नयाँ सदस्यको आगमनले मनमा उत्साह थपिनेछ । पारिवारिक भेटघाटमा समय बित्नेछ । नयाँ योजना सफल हुनेछन् ।

सिंह (मा, मि, मु, मे, मो, टा, टि, टु, टे) : हात लागिसकेको काम फुत्कने सम्भावना छ । पठनपाठनमा राम्रो प्रगति हुनेछ । आर्थिक पक्ष सबल बन्नेछ । मंगलबारदेखि भने प्रयत्नले महत्वपूर्ण काम बन्नेछन् । धन आर्जन हुने योग रहेकाले लगानी गर्दा फाइदा पुग्नेछ । काममा सहयोगीहरूको साथले सोचेजस्तै सफलता मिल्नेछ । प्रतियोगितामा सफलता मिल्ने योग रहेकाले सहभागी हुँदा सम्मान बढ्नेछ ।

कन्या (टो, प, पि, पु, ष, ण, ठ, पे, पो) : साता सोचेअनुसार नै अगाडि बढ्नेछ । प्रेममा सफलता प्राप्त हुने योग छ । सामान्य विवादले ठुलो रूप लेला तर पनि तपाईंकै विजय हुनेछ । सरकारी जागिरेका लागि उपयुक्त समय आएको छ । कतै छोटो दूरीको विशिष्ट र लाभदायी यात्रा पनि हुन सक्छ भने अन्यायमा परिने योग रहेकाले विशेष सावधानी अपनाउनुपर्नेछ । गुमेको धन आर्जन हुने योग छ । 

तुला (र, रि, रु, रे, रो, ता, ति, तु, ते) : आर्थिक समस्याले संकट उत्पन्न गर्न सक्छ । रकमको कारोबार र लेनदेनमा विवाद आउन सक्छ । जुवातास र सट्टाबाजीबाट जोगिनोस् । नचाहेको जिम्मेवारी वहन गर्नुपर्ने हुन सक्छ । परिवारका कुनै सदस्यको अस्वस्थताका कारण चिन्तित हुने सम्भावना छ । व्यापारमा केही कठिनाइ आउनेछ । अधुरा काम बन्ने तथा नयाँ काम पाउने योग छ । 

वृश्चिक (तो, ना, नि, नु, ने, नो, या, यि, यु) :  मानसम्मानमा वृद्धि हुनेछ । महत्वपूर्ण ठाउँमा बोली बिक्नेछ । बौद्धिक चिन्तन वा विचारले धेरैलाई आकर्षण गर्ने समय छ । प्रशंसकहरू बढ्नेछन् । सहयोगीहरूले काममा साथ दिनेछन् । घरजग्गा जोड्ने समय छ । प्रयास गर्दा सफलता पाउनुहोला । पढाइमा रुचि बढ्नेछ । बौद्धिकता बढ्नेछ । धर्ममा रुचि बढ्नेछ । राज्यबाट सम्मान पाउने योग छ । 

धनु (ये, यो, भ, भि, भु, ध, फा, ढ, भे) :  विशेष काम बन्ने समय छ । तपाईंका प्रशंसक थपिनेछन् । उद्योग–व्यवसायमा पनि सोचेअनुसार सफलता मिल्नेछ । व्यापार व्यवसायबाट प्रशस्त आर्थिक लाभ मिल्ने देखिए पनि सोचेअनुरूपका काम नबन्नाले चिन्तित रहनुपर्ने देखिन्छ । गलत विचार बढ्ने, खर्च बढ्ने, विवाद बढ्ने, काममा अवरोध आउने र मनमा चिन्ता बढ्ने योग भएकाले संयमता अपनाउनु पर्नेछ ।

मकर (भो, ज, जि, खि, खु, खे, खो, गा, गि) :  विशेष व्यक्तित्वसँग भेटघाट हुनेछ । दाम, इनाम र प्रतिष्ठा कमाउने समय छ । प्रशंसकहरू बढ्नेछन् । सानातिना घरेलु समस्यामा अल्झनुपर्ने देखिन्छ । सवारीसाधनबाट विशेष सावधानी अपनाउनुका साथै वैदेशिक यात्राका लागि गरिएको प्रयास सफल हुनेछ । राज्यले तपाईंको इमानदारिताको राम्रो मूल्यांकन गर्नेछ । शरीरमा चोटपटक लाग्न सक्छ । 

कुम्भ (गु, गे, गो, सा, सि, सु, से, सो, द) : समाजसेवा गर्दा प्रशंसा प्राप्त हुने योग छ । अरूले गरेका कामको गुणदोष सबैको जिम्मा लिनुपर्नेछ । भाग्यले साथ दिनेछ । ठुला व्यक्तिबाट मानसम्मान पाउने सम्भावना छ । विश्वास गरेकाले नै धोका दिन सक्ने भएकाले संयम हुनुहोला । पारिवारिक जमघट हुने योग छ । सहयोगीले साथ दिनेछन् । कर्मयोगमा अभिवृद्धि हुनेछ । पराक्रम बढेर जानेछ । आम्दानी पनि बढ्नेछ ।

मीन (दि, दु, थ, झ, ञ, दे, दो, च, चि) :  सानातिना घरेलु समस्यामा अल्झनुपर्ने देखिन्छ ।  सवारीसाधनवाट विशेष सावधानी अपनाउनुपर्ला । आकस्मिक खर्च बढ्नेछ । पढाइमा सफलता राम्रै मिल्नेछ । अरूको मन जित्न सकिनेछ । अरूबाट प्रशंसा पनि पाउनुहोला । ठुला व्यक्तिको विश्वासको पात्र भई अगाडि बढ्ने अवसर मिल्नेछ । वैदेशिक क्षेत्रबाट प्रशस्त फाइदा उठाउने मौका छ । भेटघाटमा मन रमाउनेछ ।