- वि.सं २o८१ पौष ४ बिहीबार
जेम्स विद्यालयद्वारा आयोजित दोस्रो थन्डर बोल्ट्स कप खेलकुद २०२४ अन्तर्गत टेबुलटेनिस तर्फ यू–१८ महिला एकलमा बिएन्का राई (एभिएम स्कुल) ले इभाना थापा (एभिएम स्कुल)लाई हराउँदै स्वर्ण जितेकी छिन् । यू–१२ पुरुष एकलमा रिभान बज्राचार्य (डिएभी स्कुल)ले पहिलो स्थान हात पारे । रिभानले स्वर्णिम शाक्य (एभिएम स्कुल) लाई हराए ।
यू–१५ पुरुष एकलतर्फ रिजन शाक्य (भासरा सेकेन्डरी स्कुल)ले स्वर्ण र प्रजिल भट्टराई (एभिएम स्कुल)ले रजत हात पारेका छन् । यू–१८ पुरुष एकलतर्फ सार्थक मानन्धर (बालविकास स्कुल) पहिलो, वचन विष्ट (भासरा सेकेन्डरी स्कुल) रजत तथा मिजेन शाक्य (मोलिस स्कुल) र एरिस शाक्य (एभिएम स्कुल) तेस्रो भए । यू–१२ महिला एकलतर्फ आर्सना महर्जन (एभिएम स्कुल)ले स्वर्ण जितेकी छिन् । यू–१५ महिला एकलमा सुरम्या शाक्य (सेन्ट मेरिज स्कुल)ले नर्मदा खाइतु (जेम्स स्कुल)लाई हराउँदै स्वर्ण हात पारेकी छिन् ।
