नयाँबसपार्कमा सातदिने निःशुल्क ऊर्जा ध्यान शिविर

काठमाडौंको नयाँबसपार्कमा सातदिने निःशुल्क ऊर्जा ध्यान शिविर सञ्चालन गरिएको छ । समाज उत्थान महिला मञ्चको आयोजना तथा जीवन विज्ञान प्रतिष्ठानको सहकार्यमा आजदेखि आगामी मंसिर १ गतेसम्म निःशुल्क ऊर्जा ध्यान शिविर सञ्चालन गरिएको हो । उक्त शिविर बिहान ५ बजेदेखि ६:३० बजेसम्म सञ्चालन भएको थियो ।
      
ध्यान शिविरमा नयाँबसपार्क र त्यस आसपासमा रहेर व्यापार–व्यवसाय गरेर बसेका व्यक्ति लाभान्वित भएका छन् । सातदिने शिविरमा जीवन विज्ञान प्रशिक्षक नरेश गौतम र अनिता गौतमले प्रशिक्षण दिएकाे समाज उत्थान महिला मञ्चकी अध्यक्ष जानुका नेपालले जानकारी दिइन्।      

अध्यक्ष नेपालले व्यक्ति स्वस्थ रहे मात्र देश स्वस्थ रहने भएकाले नयाँबसपार्क क्षेत्र र यस आसपासमा बसोवास गर्नेलाई लक्षित गरी उक्त ध्यान शिविर सञ्चालन गरिएको जानकारी दिइन् । उक्त ध्यान शिविरमा एक सयभन्दा बढीको सहभागिता रहेको थियो ।