युनिलिभर नेपालले राष्ट्रिय महिला फुटबल टोलीलाई ट्राभल किट हस्तान्तरण गरेको छ । कम्पनीले राष्ट्रिय महिला फुटबल टोलीको आधिकारिक स्पोन्सर रहेको आफ्नो पर्सनल केयर ब्रान्ड, डोभमार्फत एन्फा कार्यालयमा ट्राभल किट हस्तान्तरण गरेको हो ।
महिलाहरूले विभिन्न क्षेत्रमा उल्लेखनीय प्रगति गरिरहेको युगमा युनिलिभरले महिला खेलाडीको भविष्यमा फुटबल टोलीले पार्न सक्ने महत्वपूर्ण प्रभावलाई बुझेर सम्मान गरेको जनाएको छ ।
साथै, युनिलिभरले परम्परागत स्पोन्सरसिपभन्दा दर्शकहरूसँग भावनात्मक सम्बन्ध सिर्जना गर्दै सकारात्मक सामाजिक परिवर्तन ल्याउने आशा राखेको छ । राष्ट्रिय महिला फुटबल टोलीसँगको यस सहकार्यले महिलामा सशक्तीकरण र आत्म आश्वासनलाई बढावा दिन डोभको निरन्तर मिशनलाई झल्काएको बताइएको छ ।