यस वर्षको पूर्णशान्ति पुरस्कार जिल्ला प्रहरी परिसर, काठमाडौंका प्रहरी नायब उपरीक्षक (डिएसपी) पवनकुमार भट्टराईलाई प्रदान गरिएको छ।
६९औँ प्रहरी दिवसको अवसरमा बुधबार प्रधानमन्त्री केपी ओलीले सो पुरस्कार प्रदान गरेका हुन्। डिएसपी भट्टराई अप्रेसन कमान्डरका रूपमा काठमाडौंमा करिब डेढ वर्षदेखि कार्यरत छन्।
काठमाडौंमा भएका आन्दोलन तथा विरोध प्रदर्शनका घटनामा संयमता र सुझबुझपूर्वक भिड नियन्त्रण गर्दै आएकाले उनलाई प्रहरी संगठनको प्रतिष्ठित पूर्णशान्ति पुरस्कार प्रदान गरिएको प्रहरी प्रधान कार्यालयले जनाएको छ। डिएसपी भट्टराई भिड नियन्त्रणमा दक्ष अधिकृतका रूपमा चिनिन्छन्।