दोस्रो प्रयागराज सिंह सुवाल स्मृति अन्तरवडा फुटसल प्रतियोगितामा आइतबार वडा नं. २१ र २६ ले टाइब्रेकरमा जित निकालेका छन् । लैनचौर फुटसल मैदानमा वडा नं. २१ ले २२ लाई टाइब्रेकरमा ४–३ ले हरायो । निर्धारित समयमा दुवैले १–१ को बराबरी नतिजा निकालेका थिए ।
टाइब्रेकरमा वडा नं. २१ का साजन डंगोलले विजयी गोल गरेका थिए । वडा नं. २१ का गोलरक्षक अरुण पोडे म्यान अफ दी म्याच बनेका छन् । अर्काे खेलमा वडा नं. २६ ले ३२ लाई टाइब्रेकरमा ५–४ ले निराश बनायो । दुवै वडाले निर्धारित समय १–१ को बराबरी खेलेका थिए ।
निर्धारित समयमा वडा नं. २६ का साजन शाहीले अग्रता गोल गरेका थिए । वडा नं. ३२ का विक्रम बिसुन्केले बराबरी गोल फर्काए । अर्को खेलमा वडा नं. १२ ले ५ लाई २–१ ले हरायो । वडा नं. ८ ले ३१ माथि १–० को जित निकाल्यो । वडा नं. ३१ का खेलाडीले आत्मघाती गोल गरेपछि वडा नं. ८ विजयी भएको हो ।