- वि.सं २o८१ भदौ २३ आइतबार
पहिरोले अवरुद्ध कर्णाली राजमार्ग पुनः सञ्चालनमा आएको छ। कर्णाली राजमार्गअन्तर्गत कालिकोट सडकखण्डको शुभकालिका गाउँपालिका–१, गगनेखोला र एसमोडमा पहिरो जाँदा कर्णाली राजमार्ग अवरुद्ध भएको थियो।
पहिरो पन्छाउने काम सकिएसँगै राजमार्ग सञ्चालनमा आएको सडक डिभिजन कार्यालय जुम्लाले जानकारी दिएको छ।
आइतबार बिहान वर्षाका कारण कालिकोटको गगनेखोला र एसमोडमा पहिरोले अवरुद्ध भएको सडक सुचारु भएको जिल्ला प्रहरी कार्यालय कालिकोटका सूचना अधिकारी गोविन्द चौधरीले बताए। उनका अनुसार आइतबार दिउँसो साढे २ बजेबाट राजमार्ग पूर्ण रूपमा सञ्चालनमा आएको हो।
