- वि.सं २o८१ भदौ २३ आइतबार
एनसेलले नयाँ टिकटक प्याक योजना ल्याएको छ । जसअन्तर्गत एनसेलका ग्राहकले करसहित एक सय ७५ रुपैयाँमा सात दिनसम्म अनलिमिटेड टिकटक चलाउन पाउनेछन् । यसमा अन्य प्रयोजनका लागि ग्राहकले इन्टरनेट प्रयोग गर्न दुई जिबी डेटा पनि प्राप्त गर्ने एनसेलले जनाएको छ ।
सरकारबाट टिकटकको प्रयोग–पहुँचमा लगाइएको रोक हटेसँगै एनसेलले प्रदान गर्दै आएको सधैँ अनका सबै प्याकमा निःशुल्क पाइने सोसल मिडिया डेटामा पनि टिकटक थपिएको हो । यसको मतलब अब सधैँ अन प्याकमा ग्राहकले फेसबुक, इन्स्टाग्राम र युट्युबका साथसाथै टिकटक पनि निःशुल्क रूपमा आउने डेटाबाट चलाउन पाउँछन् ।
