- वि.सं २o८१ श्रावण १२ शनिबार
ताप्लेजुङको पाथीभरा याङेवरक गाउँपालिकाले जेष्ठ नागरिकलाई वडा कार्यालयमा पुगेर स्वास्थ्य परिक्षणसँगै भत्ता वितरण गरेको छ। निमित्त प्रमुख प्रशासकीय अधिकृत इक्साहाङ सुब्बाले पालिकाभित्रका ६० वर्षमाथिका ज्येष्ठ नागरिकलाई वडा-वडामा पुगेर स्वास्थ्य परीक्षणसँगै भत्ता रकम वितरण गरेको बताए।
साउन ६ गते एकीकृत घुम्ती शिविर सञ्चालन भएको थियो। गाउँपालिकाको प्रशासकीय केन्द्र रहेको वडा २ थेचम्बुबाहेक प्रत्येक वडामा घुम्ती शिविर सञ्चालन गरिएको थियो। शिविरमार्फत सामाजिक सुरक्षा भत्ता पाउने पाँच सय ३७ जना लाभग्राहीलाई भत्ता वितरण गरिएको निमित्त प्रशासकीय अधिकृत सुब्बाले बताए ।
उनका अनुसार ६० वर्षभन्दा माथि उमेर भएका दुई सय ४६ जना जेष्ठ नागरिकको स्वास्थ्य परीक्षण गरिएको जानकारी दिए।
