कपिलवस्तुबाट पक्राउ गरेर काठमाडौं ल्याइएका माओवादीका उपाध्यक्ष कृष्णबहादुर महरालाई प्रहरीले म्याद थपका लागि सरकारी वकिलको कार्यालयमा पुर्‍याएको छ । 

केहीबेरपछि उनलाई जिल्ला अदालतमा पेस गरिनेछ । अदालतमा म्याद थपसम्बन्धी आदेश आउनेछ ।

कपिलवस्तुबाट भैरहवा पुर्‍याई गाैतम बुद्ध अन्तर्राष्ट्रिय विमानस्थलबाट यती एअरको विमानबाट महरालाई केन्द्रीय अनुसन्धान ब्युरो सिआइबीको कार्यालय लगिएको थियो । 

सुन तस्करीसम्बन्धी छानबिन गर्न गठित उच्चस्तरीय जाँचबुझ आयोगले महरालाई मुद्दा चलाउन सिफारिस गरेपछि गृह मन्त्रालयले प्रहरीलाई पक्राउ गर्न निर्देशन दिएको थियो ।

सिआइबीका एसपी होविन्द्र बोगटीले महरालाई संगठित अपराध कसुरमा प्रक्रिया अगाडि बढाइएको जानकारी दिए ।