१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ ९ बुधबार
  • Wednesday, 22 May, 2024
तस्बिर : अमुल थापा/नयाँ पत्रिका ।
नयाँ पत्रिका काठमाडौं
२o८१ जेठ ९ बुधबार १२:३२:oo
Read Time : < 1 मिनेट
ad
ad
समाचार डिजिटल संस्करण

देश र जनताका समस्या सम्बोधन गर्न सबै मिलेर अघि बढौँ : ओली

‘प्रधानमन्त्रीमा मलाई रुची छैन । लोकतन्त्र बलियो बनाउन सबै एकठाउँमा आउने अवस्था बनोस्’

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८१ जेठ ९ बुधबार १२:३२:oo

एमाले अध्यक्ष केपी ओलीले देश र जनताका समस्या समाधान गर्न सबै मिलेर अघि बढ्नुपर्ने बताएका छन् । 

प्रधानमन्त्री पुष्पकमल दाहाल प्रचण्डको विश्वासको मतसम्बन्धी प्रस्तावको समर्थन गर्दै ओलीले देश अप्ठ्यारो अवस्थामा रहेकाले सबै मिलेर अघि बढ्नुपर्ने बताए । 

‘आजका अखबारमा प्रधानमन्त्री १३–१३ महिना बाँडेको सन्दर्भ अनुचित ढंगले ल्याइएको छ । यस्तो सहमति भएको पनि छैन । हुन पनि सक्दैन । को प्रधानमन्त्री हुन्छ भन्ने महत्वपूर्ण कुरा होइन । मलाई प्रधानमन्त्रीमा रुचि पनि छैन,’ उनले भने, ‘देश समस्यामा छ । कम्तीमा अब देश अघि बढोस् । मिलेर देशको समस्या समाधान गरौँ ।’ 

पूर्वप्रधानमन्त्रीसमेत रहेका ओलीले विगतमा आफूले तीन वर्षसम्म देशका समस्या मिलेर समाधान गरौँ भनेर कांग्रेसलाई भनेको स्मरण गरे । ‘मैले तीन वर्षसम्म पटकपटक कुराकानी गरौँ, छलफल गरौँ भनिरहेँ । तर, कांग्रेसले एमालेसँग पानी चल्दैन भने जसरी कुरा चल्दैन भनिरह्यो ।’

उनले देशलाई, लोकतन्त्रलाई बलियो बनाउने सन्दर्भमा सबै दल मिलेर अघि बढ्नुपर्ने अवस्था आएको बताए । 
 

ad
ad