Skip This
नेपाल क्रिकेट संघ (क्यान)ले यू–१९ एसिया कपमा छनोट भएको नेपाली टोलीका सम्पूर्ण खेलाडीलाई जनही ५० हजार रुपैयाँ पुरस्कार दिने भएको छ।
सोमबार बसेको क्यानको केन्द्रीय कार्यसमिति बैठकले यू–१९ राष्ट्रिय क्रिकेट टोलीका सम्पूर्ण सदस्यलाई प्रोत्साहनस्वरूप नगद पुरस्कार उपलब्ध गराउने निर्णय गरेको हो।
गत कात्तिक ७ गते मलेसियामा युएईलाई पराजित गर्दै नेपालले एसिसी यू–१९ प्रिमियर कपको उपाधि जितेको थियो।
‘हालै मलेसियामा सम्पन्न एसिसी पुरुष यू–१९ प्रिमियर कप क्रिकेट प्रतियोगितामा विजयी भई यही जनवरी २०२४ मा सञ्चालन हुने यू–१९ एसिया कपमा छनोट हुन सफल यू–१९ राष्ट्रिय क्रिकेट टोलीका सम्पूर्ण सदस्यहरूलाई प्रोत्साहनस्वरूप जनही रु ५० हजारका दरले नगद पुरस्कार उपलब्ध गराउने निर्णय गरियो,’ क्यानको निर्णयमा भनिएको छ।
