- वि.सं २o८१ बैशाख २१ शुक्रबार
नेपाल क्रिकेट संघ (क्यान)ले आइसिसी टी–२० क्रिकेट विश्वकप प्रतियोगितामा छनोट भएको राष्ट्रिय टोलीलाई रु ५० लाख दिने निर्णय गरेको छ।
सोमबार बसेको क्यानको केन्द्रीय कार्यसमिति बैठकले सो निर्णय गरेको हो। सन् २०२४ मा वेस्ट इन्डिज र अमेरिकामा हुने क्रिकेट विश्वकपको एसिया छनोटमा उपविजेता बन्दै नेपाल छनोट भएको छ।
यसैगरी, विश्वकपको एसिया छनोटको फाइनल खेलमा बिक्री भएको टिकटबाट संकलित रकमको ५० प्रतिशत रकम जाजरकोट भूकम्पपीडितलाई उपलब्ध गराउने निर्णय पनि क्यानले गरेको छ।
