- वि.सं २o८o असोज २४ बुधबार
विश्व लगानीकर्ता सप्ताहको अवसर पारेर इन्फोमेरिक्स क्रेडिट रेटिङ नेपाल लिमिटेडले क्रेडिट रेटिङ सचेतना विषयमा शंकरदेव क्याम्पस र नेपाल कमर्स क्याम्पसमा एकैसाथ कार्यक्रम गरेको छ । कम्पनीले नेपाल धितोपत्र बोर्डको अगुवाइमा उक्त कार्यक्रम गरेको हो ।
कार्यक्रममा इन्फोमेरिक्स क्रेडिट रेटिङ नेपाल लिमिटेडका कार्यकारी प्रमुख रविन पुडासैनी र कम्पनी सचिव प्रतीक लामिछानेले धितोपत्र बोर्ड स्वयं नियामक निकाय रहेको र क्रेडिट रेटिङ संस्थामा नियामक निकायकोे भूमिकाबारे प्रकाश पारेको जनाइएको छ ।
त्यस्तै, नियमावलीको पनि सामान्य चर्चा गर्दै कार्यक्रमको औचित्यबारे प्रकाश पारिएको उल्लेख छ । कार्यक्रमको मुख्य सत्रमा इन्फोमेरिक्स क्रेडिट रेटिङ नेपाल लिमिटेडमा कार्यरत विशेषज्ञ समूहले उपस्थित विद्यार्थीमाझ क्रेडिट रेटिङको प्रक्रिया, अन्तर्राष्ट्रिय अभ्यास, उपयोगिता, सान्दर्भिकताबारे विशेष छलफल भएको कम्पनीले जनाएको छ ।
