- वि.सं २o८o बैशाख १६ शनिबार
बुढानीलकण्ठ क्षेत्रमा लागुऔषध कारोबार गर्ने तीनजना पक्राउ परेका छन्।
प्रहरी प्रभाग बुढानीलकण्ठबाट खटिएको टोलीले शनिबार बदेलीबाट धादिङका सुदर्शन दाहाल, बुढानीलकण्ठका संसार सिटौला र प्रबिना शाहीलाई पक्राउ गरेको हो। जिल्ला प्रहरी परिसर काठमाडौंका अनुसार उनीहरूबाट २०३ एम्पुल डाइजेपाम, २१४ एम्पुल फेनेरगन, २०२ एम्पुल नुफिन र ७०९ ट्याबलेट नाइटाजेपाम बरामद भएको छ।
प्रहरीले ५० हजार रूपैयाँ नगद पनि भेटिएको जनाएको छ। पक्राउ परेकामध्ये सिटौला मुख्य कारोबारी भएको र उनले भारतबाट लागुऔषध ल्याएर बुढानीलकण्ठ क्षेत्रमा बेच्दै आएको बुढानीलकण्ठ प्रभागका इन्सपेक्टर दीपेन्द्र चन्दले बताए।
