- वि.सं २o७९ पौष १५ शुक्रबार
चिसोले जनजीवन प्रभावित बनेपछि सिराहाका एक सय विपन्न गरिब मुसहर परिवारलाई कम्बल सहयोग गरिएको छ। ललितपुर महानगरपालिका– १६ नकबहिलका मदन श्रेष्ठ र अहल्या श्रेष्ठले सिराहाका एक सय विपन्न गरिब मुसहर परिवारलाई कम्बल वितरण गरेका हुन्।
श्रेष्ठदम्पतीले जिल्ला समन्वय समिति सिराहाका पूर्वउपसभापति सरोजकुमार यादवमाफर्त सिराहा नगरपालिका र विष्णुपुर गाउँपालिकामा एक सय परिवारलाई कम्बल सहयोग गरेका हुन्।
पूर्वउपसभापित यादवका अनुसार सिराहा नगरपालिकाको ६, १६ र १७ वडाका ५० अति विपन्न गरिब मुसहर परिवार र विष्णुपुर गाउँपालिका– ५ को लक्ष्मीपुरका ५० विपन्न मुसहर समुदायलाई कम्बल बाँडिएको बताए।
