- वि.सं २o७९ मङ्सिर ११ आइतबार
महोत्तरी क्षेत्र नं १ बाट माओवादी उपमहासचिव गिरिराजमणि पोखरेललाई पराजित गर्दै एमालेका लक्ष्मी महतो कोइरी निर्वाचित भएका छन् । एमाले उम्मेदवार महतोले २३ हजार ४०२ मत प्राप्त गरी विजयी भए । उनका निकटतम प्रतिस्पर्धी माओवादी उम्मेदवार पोखरेलले २२ हजार ३ सय ७२ मत प्राप्त गरे ।
पटक पटक सत्ताको केन्द्रमा रहेर मन्त्री बनेका पोखरेल १ हजार ३० मतको मतान्तरले पराजित भएका छन् । यसैगरी स्वतन्त्र उम्मेदवार पोषण बहादुर थापाले ७ हजार ८ सय १२ मत प्राप्त गरे । यस्तै जनमत पार्टीका उम्मेदवार राज किशोर साहले ३ हजार ५ सय ९८ मत प्राप्त गरी चौथो बन्न सफल भए ।
