वसन्तपुरमा होलीको चीर ठड्याइएको छ। बिहीबार बिहान ध्वजापताकासहितको तीनखण्डे चीर ठड्याइएको हो। वसन्तपुरमा चीर ठड्याइएसँगै यस वर्षको होली औपचारिक रूपमा सुरु भएको मानिन्छ।
आज बिहान ७ बजेर २७ मिनेटको शुभसाइतमा हनुमानढोका दरबारको दक्षिण पटांगिनी, ऐतिहासिक मोहनकाजी चोक तथा दाखचोकमा रंगीबिरंगी ध्वजापताकासहितको ३२ फिट अग्लो तीनखण्डे चीर ठड्याइएको हो ।
प्रत्येक वर्षको फागुन शुल्क अष्टमीको दिन चीर ठड्याएसँगै फागु पर्व आरम्भ हुन्छ । यस वर्ष फागु पूर्णिमा चैत ३ गते परेको छ । तराई मधेसका जिल्लामा ४ गते फागू पर्व परेको छ । फागु पूर्णिमाको दिन सरकारले सार्वजनिक बिदा दिने गर्छ ।
