भक्तपुरका २५ वर्षीय कार्कीको शव धोबीखोलामा भेटियो

काठमाडौंस्थित धोबीखोलामा आइतबार दिउँसो एकजनाको शव फेला परेको छ। भक्तपुर चाँगुनारायण– ६ बस्ने २५ वर्षीय विशाल कार्कीको शव खोलामा फेला परेको हो। प्रहरीका अनुसार कार्की धोबीखोला क्षेत्रमा फोहाेर उठाउने काम गर्दै आइरहेका थिए। खोलामा डुबेको देखेर स्थानीय प्रहरीलाई खबर गरेपछि प्रहरीले शव लिकालेको हो। शव पोस्टमार्टमको लागि पठाएको छ। कार्कीको पानीमा डुबेर मृत्यु हुनसक्ने प्रहरीको अनुमान छ। घटनाबारे थप अनुसन्धान भइरहेको छ।