नेपाल प्रहरीको प्रहरी नायब निरीक्षकबाट प्रहरी निरीक्षकमा बढुवा भएका शोभमविक्रम राणा अहिलेसम्म रवाना भएका छैनन् । बढुवा भएर पदस्थापन भएको करिब एक महिना बितिसक्दा पनि क्राइम ब्रान्च प्रमुखको जिम्मेवारी सम्हालेका राणा पर्साबाट रवाना हुन मानेका छैनन् ।
गत साउन १४ गते बसेको गृहसचिवस्तरीय बैठकले ९८ जनालाई प्रहरी नायब निरीक्षकबाट प्रहरी निरीक्षकमा बढुवा गरेर नियुक्त गरेको थियो । सोहीअनुसार प्रहरी नायव निरीक्षक (सई)बाट प्रहरी निरीक्षक (इन्स्पेक्टर) मा बढुवा भएका राणाको सप्तरीको इलाका प्रहरी कार्यालय भेडियामा पदस्थापन भएको छ ।
तर, उनी पर्साका प्रहरी प्रमुख बेलबहादुर पाण्डेको विश्वासपात्र भएकै कारण पर्सा जिल्ला छोडेर जान नमानेको स्रोतको दाबी छ । प्रहरी स्राेतका अनुसार प्रहरी निरीक्षक राणाले दसैँसम्म पर्सामै बस्ने योजना बनाएका छन । त्यसकारण उनी हालसम्म रवाना भएका छैनन् । प्रहरी निरीक्षक राणाको पर्सामा आएको करिब नाै महिना भइसकेको छ ।
