ताप्लेजुङको दोस्रो ठूलो बजार दोभानमा भीषण आगलागी भएको छ । मेरिङदेन गाउँपालिका– ३ दोभान बजारमा आगलागीबाट ५० घर जलेका छन् ।
ती घरमा एक सय २० पसल थिए । ती सबै जलेर नष्ट भएका छन् । आगो केही निन्त्रणमा आए पनि बजारदेखि माथिको भीरमा समेत फैलिएको छ ।
आगलागी स्थानीय भोला पौडेलको घरबाट सुरु भएको अर्का स्थानीय हरि काफ्लेले बताए । आगो नियन्त्रणमा लिन स्थानीय बासिन्दा, नेपाल प्रहरी, सशस्त्र प्रहरी र सेनाको टोली खटिएको छ ।
दोभानमा करिब सय घर रहेका छन् । क्षतिको विवरण आइनसकेको जिल्ला प्रहरी प्रमुख डिएसपी बालनरसिंह राणाले बताए ।
