रुवान्डामा जारी आइसिसी महिला टी–२० आई च्यालेन्ज ट्रफीमा नेपालले अमेरिकाविरुद्ध संघर्षपूर्ण ब्याटिङ गरेको छ। पहिले ब्याटिङ गरेको नेपालले निर्धारित २० ओभरमा ६ विकेट गुमाएर मात्र ८७ रनको लक्ष्य दिएको छ।
विकेट किपर रुबी पोद्दारले नटआउट अर्धशतकीय पाली खेल्नुबाहेक अन्य खेलाडीले उल्लेख्य रन जोड्न सकेनन्। ५१ बल साामना गरेकी पोद्दारले पाँच चौका र एक छक्काको मद्दतमा ५१ रनको योगदान गरिन्।
ओपनर सम्झना खड्का पहिलो बलमै पेभेलियन फर्किइन्। पूजा महतो, कप्तान इन्दु बर्मा र कविता कुँवरले समान आठ रन बनाउँदा बिन्दु रावल र रोमा थापा (नटआउट)ले तीन तथा कविता जोशीले मात्र एक रन जोडे।
अमेरिकाकी ऋतु सिंह र माही माधवनले समान दुई तथा अदितिबा सुदासमा र सैनावी कामबलापल्लीले एक–एक विकेट हात पारे।
