मालीमा आतंकवादी आक्रमणमा कम्तीमा २२ को मृत्यु

मध्यमालीको बन्दियागारा क्षेत्रको एउटा गाउँमा आतंकवादी आक्रमण हुँदा कम्तीमा २२ स्थानीयको मृत्यु भएको छ। सोमबार साँझ भएको सो घटना ढिलो गरी सार्वजनिक भएको हो।

मालीका सुरक्षा अधिकारीहरूले प्रत्यक्षदर्शी र स्थानीयलाई उद्धृत गर्दै विवाह समारोह भइरहेका वेला आतंकवादीहरूले गाउँ घेरेर आक्रमण गरेको बताएका छन्। आक्रमणमा दुलाहाको पनि ज्यान गएको छ।
   
राजनीतिक, आर्थिक र मानवीय संकट भोगिरहेको माली सन् २०१२ देखि आतंकवादी हमलाहरूबाट ग्रस्त छ। (रासस/सिन्ह्वा)