![](https://nayapatrika.blr1.cdn.digitaloceanspaces.com/news/images/ज्ञापनपत्र2022-11-08-03-48-19.jpeg)
बैंकको चर्को ब्याजदर तथा राष्ट्र बैंकले जारी गरेको चालू पुँजी मार्गदर्शनको विरोधमा नेपाल उद्योग वाणिज्य महासंघ प्रदेश १ समितिले सरकारलाई ज्ञापनपत्र बुझाएको छ।
मंगलबार उद्योग वाणिज्य महासंघका केन्द्रीय सदस्य अविनाश बोहराको नेतृत्वमा प्रदेश १ समितिले सरकारलाई ज्ञापनपत्र बुझाएको हो। विराटनगर बरगाछीस्थित महासंघको प्रदेश १ समिति कार्यालयबाट उद्योगीहरू ब्यानरसहित ज्ञापनपत्र बुझाउन जिल्ला प्रशासन कार्यालय मोरङ पुगेका थिए।
आजै प्रदेश समितिले वाणिज्य बैंकको प्रदेश १ कार्यालयमा पनि ज्ञापनपत्र बुझाएको महासंघको प्रदेश समितिका निर्देशक श्याम भण्डारीले बताए। उनका अनुसार मंगलबारै प्रदेशभरिका जिल्ला तथा नगर उद्योग वाणिज्य संघहरूले पनि सम्बन्धित प्रशासन कार्यालयमा ज्ञापनपत्र बुझाएका छन्।