- वि.सं २o७९ कार्तिक १६ बुधबार
निर्वाचन आयोगका प्रमुख आयुक्त दिनेशकुमार थपलियाले आचारसंहितालाई थप कडाइका साथ अनुगमन गरिने बताएका छन् । आयोग मुख्यालयमा भर्खरै गरिएको पत्रकार सम्मेलनमा उनले निर्वाचनको निष्ठा कायम गराउन आचारसंहिता कार्यान्वयन गराउन आयोग प्रतिबद्ध रहेको बताए ।
उनले आचारसंहिता उल्लंघन अनुगमन गर्न केन्द्र र जिल्लामा बेग्लाबेग्लै अनुगमन समिति बनाइएको जानकारी दिँदै उनले केन्द्रमा केन्द्रीय अनुगमन समिति र जिल्लामा जिल्लास्तरीय अनुगमन समिति क्रियाशील रहेको बताए ।
उनले जिल्लामा अनुगमन अधिकृत तोकेर आचारसंहिता अनुगमन भइरहेको भन्दै उल्लंघन गरेको पाइए यथास्थानमै कारबाही गर्नेसम्मको अधिकार ती अधिकृतलाई दिइएको जानकारी दिए । अहिले अनुगमनको क्रममा आचारसंहिता उल्लंघनको भयावह अवस्था भने नदेखिएको उनको भनाइ थियो ।
