- वि.सं २o७९ कार्तिक १४ सोमबार
दक्षिण कोरियाको राजधानी सियोलमा आयोजित एक धार्मिक उत्सवमा भागदौड मच्चिँदा कम्तीमा १५० जनाको मृत्यु भएको छ । इसाई धर्मावलम्बीले प्रत्येक वर्ष मनाउने ‘हालोविन’मा सहभागी हुने क्रममा शनिबार राति राजधानीको इटावोन क्षेत्रमा भागदौड हुँदा उनीहरूको ज्यान गएको हो ।
घटनामा सयभन्दा बढी घाइते भएका छन् । उत्सवमा झन्डै एक लाखभन्दा बढी साँघुरा गल्ली र घुमाउरो सडकमा जम्मा भएका थिए । मृत्यु हुनेमा अधिकांश २० वर्ष हाराहारीका युवायुवती रहेका जनाइएको छ ।
घटनाप्रति दुःख व्यक्त गर्दै दक्षिण कोरियाली राष्ट्रपति युनसुक योलले आइतबार एक टेलिभिजन सम्बोधनमा राष्ट्रिय शोकको घोषणा गरे ।
