- वि.सं २o७९ कार्तिक १३ आइतबार
पाल्पाको रम्भा गाउँपालिकाकाे हुँगीबाट मनकामना दर्शनका लागि जाँदै गरेको बस नवलपुरको बुलिङटार- २, डाँडाझेरीको मथारमा दुर्घटना हुँदा पाँचजनाको घटनास्थलमै ज्यान गएको छ ।
ना.६ख ७५८० नम्बरको बस दुर्घटनामा परेको हो । दुर्घटनामा परी बसमा सवार ३५ जनामध्ये पाँचजनाको घटनास्थलमै मृत्यु भएको र बाँकी ३० जना सबै घाइते भएको जिल्ला प्रहरी कार्यालय नवलपुरले जनाएको छ ।
बस सडकबाट सय मिटर तल खसेको छ । अहिले उद्धार कार्य भइरहेको छ । मृतकको पहिचान हुन सकेको छैन । घटनाको विस्तृत विवरण आउन बाँकी छ ।
