- वि.सं २o७९ कार्तिक ७ सोमबार
मकवानपुरको थाहा नगरपालिका– ६ बज्रबाराहीमा गएराति विद्युत् सर्ट भई आगलागी हुँदा सोही वडा बस्ने मेघबहादुर बलामीको घर पूर्ण नष्ट भएको पालुङ इलाका प्रहरी कार्यालय मकवानपुरले जनाएको छ।
आगोलागीबाट खाद्यान्न, लत्ताकपडा, विद्युतीय उपकरण (कम्प्युटर–टेलिभिजन)लगायत जलेर नष्ट हुँदा रु. ७५ लाखबराबरको सामग्री क्षति भएको इलाका प्रहरी कार्यालय पालुङका प्रहरी निरीक्षक दुर्गा खनालले जानकारी दिए। उक्त आगो थाहा नगरपालिकाको दमकल, पालुङ प्रहरी र स्थानीय बासिन्दाले करिब दुई घन्टापश्चात् नियन्त्रण गरेको प्रहरीले जनाएको छ।
