- वि.सं २o७९ असोज २८ शुक्रबार
जारी नवौँ राष्ट्रिय खेलकुद प्रतियोगिताअन्तर्गत फेन्सिङमा आर्मी च्याम्पियन भएको छ।
फेन्सिङमा च्याम्पियन बनेको आर्मीले पाँच स्वर्ण, पाँच रजत र सात कांस्यसहित १७ पदक जितेको छ। त्यसैगरी बागमतीले चार स्वर्ण, तीन रजत र एक कांस्यसहित आठ, एपिएफले दुई स्वर्ण, चार रजत र सात कांस्यसहित १३, सुदूरपश्चिमले एक स्वर्ण, दुई कांस्यसहित तीन पदक जित्दा गण्डकी चार कांस्य पदकसहित पाँचौँ र प्रदेश १ तीन कांस्यसहित छौटौँ स्थानमा रह्यो।
शुक्रबार भएको खेलमा इपितर्फ आर्मीले एपिएफलाई ४५–२८ अंकले पछि पार्दै ५औँ स्वर्ण पदक जितेको हो।
