- वि.सं २o७९ असोज १६ आइतबार
महोत्तरीमा मुख्य निर्वाचन अधिकृतको कार्यालय स्थापना गरिएको छ । प्रदेश र प्रतिनिधिसभा निर्वाचनको लागि जिल्ला समन्वय समितिको भवनमा आइतबार मुख्य निर्वाचन अधिकृतको कार्यालय स्थापना गरिएको हो ।
मुख्य निर्वाचन अधिकृत हेमबहादुर सेनले कार्यालय उद्घाटन गरे । कार्यालय स्थापनाको समयमा महोत्तरीका प्रमुख जिल्ला अधिकारी दीपक पहाड़ी, क्षेत्र नं १ का निर्वाचन अधिकृत गुणराज श्रेष्ठ, क्षेत्र नं २ का निर्वाचन अधिकृत अरुण झा, जिल्ला प्रहरी कार्यालय महोत्तरीका एसपी कृष्ण पंगेनी, उपअनुसन्धान अधिकृत अभिनयकुमार सिंह, जिल्ला निर्वाचन कार्यालय प्रमुख सुबोधकुमार महतोलगायत उपस्थित थिए ।
