- वि.सं २o७९ असोज २ आइतबार
मंसिर ४ गते हुने प्रदेश र प्रतिनिधिसभा निर्वाचनका लागि राजनीतिक दलहरूले आज र भोलि समानुपातिकतर्फको बन्दसूची निर्वाचन आयोगमा पेस गर्दै छन् ।
यससँगै आजबाट प्रदेश र प्रतिनिधिसभाका लागि निर्वाचन प्रक्रिया सुरु हुनेछ । आज र भोलि राजनीतिक दलहरूले समानुपातिक निर्वाचन प्रणालीतर्फ उम्मेदवारको बन्दसूची पेस गर्नुपर्ने कार्यतालिका छ ।
निर्वाचन आयोगको निर्णयअनुसार आज नै समानुपातिक उम्मेदवार टुंग्याउने ठूला दलको तयारी छ । दलहरूले आइतबार र सोमबार प्रतिनिधिसभातर्फ एक सय १० र प्रदेश सभातर्फ दुई सय २० जना सदस्यका लागि बन्दसूची पेस गर्नेछन् ।
निर्वाचन आयोगका अनुसार बन्दसूचीमा दलहरूले तोकिएको संख्याको न्यूनतम १० प्रतिशत नाम पेस गर्नुपर्नेछ । यस्तै बन्दसूचीमा ५० प्रतिशत महिलालाई सिफारिस गर्नुपर्ने हुन्छ ।
