- वि.सं २o७९ भदौ २९ बुधबार
खानेपानीको धारा जडानका लागि पाँच हजार रुपैयाँ घुस माग्ने प्लम्बरविरुद्ध अख्तियार दुरुपयोग अनुसन्धान आयोगले मुद्दा दायर गरेको छ । आयोगले काठमाडौं उपत्यका खानेपानी लिमिटेडका सिनियर प्लम्बर गणेशबहादुर खुलालविरुद्ध पाँच हजार बिगो दाबी गर्दै बुधबार विशेष अदालतमा मुद्दा दायर गरेको हो ।
खुलालले खानेपानीको धारा जडान गरेबापत सेवाग्राहीसँग पाँच हजार घुस लिएको अख्तियारको आरोप-पत्रमा उल्लेख छ । धारा जडान गरेकामा घुस मागेपछि गत ३१ साउनमा अख्तियारले उनलाई रंगेहात पक्राउ गरेको थियो । पक्राउपछि उनीमाथि छानबिन गरेर आयोगले अदालतमा मुद्दा अभियोजन गरेको हो ।
