- वि.सं २o७९ भदौ १४ मंगलबार
भारतीय अर्बपति गौतम अडानी विश्वको तेस्रो सबैभन्दा धनी व्यक्ति बनेका छन्। फ्रान्सका बनार्ड अरनाल्टलाई पछि पार्दै अडानी तेस्रो स्थानमा उक्लिएका अन्तर्राष्ट्रिय सञ्चारमाध्यमले जनाएका छन्।
सर्वाधिक धनीहरूको सूचीमा अब अडानीभन्दा अघि टेस्लाका संस्थापक एलन मस्क र जेफ बेजोस मात्र छन्। मस्क दुई सय ५१ विलियन डलर नेटवर्थसहित पहिलो तथा बेजोस एक सय ५३ विलियन डलरसहित दोस्रो स्थानमा छन्।
तेस्रो स्थानमा रहेका अडानीको नेटवर्थ एक सय ३७.४ विलियन डलर रहेको छ। एक वर्षअघि अप्रिल ०२१ मा उनको सम्पत्ति ५७ विलियन डलर थियो। भारतका दोस्रो धनी व्यक्ति मुकेश अम्बानी विश्वका ११औँ धनी व्यक्तिको सूचीमा छन्।
