आजभोलि सूर्यास्तसँगै राजधानीका गोधुली साँझ रंगीन छन् । सूर्योदय र सूर्यास्त हेर्न नगरकोट र सराङकोट धाउने राजधानीवासीले फुर्सद निकालेर कौसीमा बस्ने मौका निकाल्ने हो भने भरपुर आनन्द लिन सकिन्छ ।
हल्का बादल भएको बखत दक्षिणी क्षितिज पहेँलो अनि रातो हुन्छ । बादल फाटेको साँझ सूर्यास्त हेर्न रमाइलो हुन्छ । पछिल्लो समय निरन्तरको झरिका कारण प्रदूषण हटेको छ ।
सहरका अग्ला भूभाग भक्तपुर, कपनजस्ता ठाउँबाट साँझको सूर्यास्त हेर्न लालायित बन्छन् हरेक नयन । दिउँसोको उज्यालो त सबैले हेर्छन् तर साँझको गोधुली उज्यालोमा पनि काठमाडौं उपत्यका त्यत्तिकै सुन्दर देखिन्छ।
हेर्नुहोस् न्युज एजेन्सी नेपालले गोधुली साँझमा खिचेका केही तस्बिर :