- वि.सं २o७९ जेठ २९ आइतबार
लमजुङ प्रहरीले सदरमुकाम बेँसीसहरबाट ४४ हजार ७ सय ७० रुपैयाँ नगदसहित सात जुवाडेलाई पक्राउ गरेको छ । प्रहरीले शनिबार दिउँसो २ बजे बेँसीसहर ७ पुरानो बैंकचोकस्थित बुद्धिकुमार श्रेष्ठको घरमा जुवातास खेल्दै गरेका सातजनालाई पक्राउ गरेको हो ।
पक्राउ पर्नेमा बेँसीसहर नगरपालिकाका- ३ जना, मर्स्याङदी गाउँपालिकाका - २ जना, दोर्दी गाउँपालिकाको १ जना र नवलपरासी जिल्लाका १ जना रहेका छन् ।
प्रहरीले उनीहरूको साथबाट १६० पत्ती तास र नगद ४४ हजार ७ सय ७० रुपैयाँ नियन्त्रणमा लिएको जिल्ला प्रहरी कार्यालय लमजुङका सूचना अधिकारी इन्सपेक्टर जगदीश रेग्मीले बताए । उनका अनुसार आइतबार सार्वजनिक बिदा परेका कारण उनीहरूलाई सोमबार जिल्ला प्रशासन कार्यालय लमजुङमा म्याद थप गरी अनुसन्धान गरिनेछ ।
लमजुङ प्रहरीले चालू आव ०७८/७९ मा जुवातास खेल्ले खेलाउने ८० जना पुरुष र १ महिलालाई नगद ८ लाख ६५ हजार दुई सय रकम बरामद गरी कानुनको दायरामा ल्याएको छ ।
