- वि.सं २o७९ बैशाख २० मंगलबार
महोत्तरीको सदरमुकाम जलेश्वरमा आचारसंहिताविपरीतका चुनावी प्रचारप्रसार सामग्री हटाइएको छ ।
जलेश्वरका मुख्य सडक, चोक एवं भित्री गल्लीहरूमा राखिएको आचारसंहिताविपरीतको चुनावी प्रचारप्रसार सामग्री हटाइएको मुख्य निर्वाचन अधिकृत दीपककुमार खरेलले बताए । उनले सोमबार नै राजनीतिक दलहरूसँग छलफल गरेर आचारसंहिताविपरीतका चुनावी प्रचारप्रसार सामग्री हटाइएको बताए ।
केही दिनयता जलेश्वरलगायतका महोत्तरीका विभिन्न स्थानमा आचारसंहिताविपरीत चुनावी प्रचारप्रसार सामग्रीहरू चोक तथा गाउघरमै छ्यापछ्याप्ती राखिएको थियो ।
