- वि.सं २o७९ बैशाख १९ सोमबार
हिमाली र दुर्गम जिल्लामा मात्र होइन, काठमाडौं महानगरमै समेत कतिपय उम्मेदवार निर्विरोध भएका छन् । काठमाडौं महानगरपालिकामा चारजना वडासदस्य निर्विरोध निर्वाचित भएका छन् ।
स्थानीय तह सदस्य निर्वाचन कार्यक्रमअन्तर्गत ११ र १२ वैशाखमा भएको मनोनयन दर्ताका क्रममा वडा १८, २२, २३ र २७ गरी चारवटा वडाबाट दलित महिला सदस्य पदमा एक–एकजनाको मात्र उम्मेदवारी परेकाले उनीहरू निर्विरोध भएको मुख्य निर्वाचन अधिकृत राजुकुमार खतिवडाले जानकारी दिए ।
यसरी निर्वाचित हुनेमा वडा १८ की अम्बिका सुनार, २२ की गीता परियार, २३ की कञ्चना नेपाली (हरिजन) र २७ की प्रभा परियार रहेका छन् । वडा १८, २२ र २७ मा एमालेबाट मात्र र वडा २३ वाट कांग्रेसबाट मात्रै उम्मेदवारी परेको थियो ।
