- वि.सं २o७८ चैत ७ सोमबार
ठमेलस्थित ‘एलओडी क्लब’ डिजे म्याग टप सयको नोमिनेसनमा परेको छ। युकेस्थित डिजे म्यागले छनाेट गर्ने सन् २०२२ को क्लब क्याम्पियनमा एलओडी परेको हो। म्यागमा विश्वभरका सय उत्कृष्ट डिजे क्लब रहने गर्छन्।
डिजे म्यागले हरेक वर्ष विभिन्न मुलुकमा रहेका उत्कृष्ट क्लबहरूको छनाेट गर्ने गर्छ। टप सय क्लबको सूचीमा पर्न एलओडीले भोट गर्न अपिल गरेको छ। क्लबका निर्देशक रविन श्रेष्ठ एलओडी डिजे म्याग टप सयको छनाेटका लागि नोमिनेसनमा पर्नु नेपालका लागि नै गर्वको विषय भएको बताउँछन्।
‘एलओडी टप सयको छनाेटमा पर्नु भनेको नेपालका लागि पनि गर्वको कुरा हो। यसमा एलओडी सय क्लबमा पर्दा विश्वले नेपालको नाम थाहा पाउनेछ,’ उनले भने। श्रेष्ठले रात्रिकालीन जीवनका पारखीहरू तथा विदेशी पर्यटकहरूलाई यस क्लबले झनै आकर्षण गर्न सक्ने बताए।
